阿根廷馬納當拿大巴星記者

阿根廷球王馬納當拿又嚟料！當地時間星期六，馬納當拿同前女友韋羅妮卡帶埋囝囝離開一間劇院時，其私家車被重重記者包圍。之後，突然球王走出車，一巴打落個記者塊面度：「我冇搞你，你做咩搞我老婆？」嘩！乜事？據知，呢個記者疑似望住韋羅妮卡做一啲手勢，跟住就激嬲球王喇！一心諗住帶個仔去玩，點知最後都係不歡而散，好心「球王」咪咁躁底啦。