英格蘭神經刀門神占士破產賣紀念品填數

雖然話錢係搵嚟使，但如果搵埋唔夠晒，咁咪出事啦！前英格蘭神經刀門神占士球員時代曾經效力包括利物沛同曼城等大球會，搵埋搵埋據聞有超過2000萬鎊收入，可惜佢由於理財不善，加上喺05年畀前妻Tanya分咗一半身家大約300萬鎊，結果喺今年年初就宣布破產。尋日佢仲宣布會喺今個月18號，於hilcoind.co.uk將佢珍藏嘅超過150件波衫短褲及足球等紀念物品進行拍賣，希望可以搵番筆嚟填數啦！