葡萄牙男神C朗9連拍挑戰港女10式

葡萄牙男神C朗推出個人品牌CR7恤衫系列搵真銀，仲使出「男神9連拍」神技，挑戰「港女10式」，睇怕好多女粉絲都會忍唔住出手入貨，男裝照買囉，咩呀！買畀男友或者阿爸囉，總之就要買啦！

C朗好識做生意，之前Sell底褲就騷激凸效果，呢次出恤衫系列就變招，淨係試恤衫太dry喇，加埋男神9連拍狂Chok樣賣廣告，問你死未？佢仲話啱身、時尚同夠潮嘅恤衫，就係着得好嘅基本嘢，潮男們，學嘢喇！講真！C朗呢幅Body著乜都好睇，你講咩都係啱㗎啦！