西甲　「韋小寶」尼馬奉旨溝巨咪律師

尼馬又換畫喇！今次呢個巴西球王的最新目標，係個巨咪女律師Elizabeth，身材惹火到噴血！雖然尼馬的生活多姿多采，不過今次佢就同Elizabeth玩網上情緣，透過社交網絡的對話，發展呢段「姊弟戀」。

身為加泰人的Elizabeth，係巴塞的超級粉絲，每次有比賽，都會著上波衫打氣，依家就當然會幫男朋友打埋氣！咁兩個除夕有乜浪漫活動先？乜話？冇？點解呀！話晒兩個都識咗冇耐，尼馬又同親朋戚友過聖誕，所以就未有一齊倒數過新年。不過，下個月又有情人節喇，你慌冇機會嗎？