NBA　「浪花兄弟」3分賽私片分高低！

今年全明星周末嘅3分大賽可以話係高手雲集，因為聯盟中最Top嘅7位射手，有5位已經決定咗參加今次3分大賽！除咗鷹隊嘅高華、拓荒者後衞馬菲士同快艇射手列迪克之外，仲有勇士嘅「浪花兄弟」添。

史堤芬居里幾射得就唔使多講，佢位好拍檔奇利湯臣前幾日對帝王，第3節單節狂轟37分，9球3分全數命中，睇到全世界都呆晒！居里同湯臣雖然Friend過夾Band，不過講到爭「3分王」呢個朵，真係兄弟都冇情講！今次5大射手爭「3分王」殊榮，唔睇就真係傻仔喇！