NBA　炒起紐約人 大帝得分超越AI

根本唔同班！騎士喺周一凌晨嘅NBA常規賽輕輕鬆鬆以101比83作客炒起紐約人，騎士三星今場均有上佳發揮，「大帝」勒邦占士取得18分、7籃板同7助攻，隊友艾榮都攻入18分，加上中鋒路夫亦有16分16籃板，面對失去咗主力安東尼嘅紐約人，要贏波根本全無阻力，仲將總成績改寫35勝22負。值得一提，占士嘅職業生涯總得分今仗之後，正式超越「答案」艾佛遜進佔NBA史上第22位。