K.O.港版！中超阿源娶索爆校花

「這些機會不是屬於我的」，呢句說話邊個港仔未聽過？睇住成街一雙一對，我就「其實毒Ｘ一個更開心」，都咪話唔傷。所以好多港仔，雖然同阿源三九唔識七，但暗瓦底卻當咗佢係好朋友甚至好兄弟，大家同病相憐嘛。

不過唔係個個阿源都咁唔爭氣，中超江蘇舜天後衞、中國國腳任航，個樣同阿源似足9成，但佢就好叻仔，剛同索爆女友求婚成功。咪睇任航個LOOK咁老實，查實佢都不知幾浪漫，啱啱於賽後騎住架單車，成個《甜蜜蜜》嘅黎明咁款，向學生女友、純過蒸餾水嘅女友蘇佳慧求婚，個女仔見到任航咁有心思，個男仔未開口都已經喊晒，梗係求婚成功啦！

蘇佳慧依家仲讀緊南京藝術學院，因為樣兒索爆，係學校嘅風頭躉，呢次畀「中超阿源」得米，佢梗係即刻當住記者肉緊狂咀未來老婆，仲錫到個嘴都變晒形，估唔到喺騎呢方面，都同阿源咁似喎。