亞洲壁球錦標賽 歐鎮銘歷史性奪男單冠軍

20150506
東網電視
更多新聞短片
歐鎮銘勁叻仔,為香港創造歷史!

香港壁球手歐鎮銘創造歷史,勇奪亞洲壁球錦標賽男單冠軍!於科威特舉行的亞洲壁球錦標賽,歐鎮銘殺入決賽對戰亞杜拉,最後以直落3局,11比7、11比9及13比11贏波,成為首位土生土長的香港人取得男單冠軍。值得一提的是,歐鎮銘的姐姐歐詠芝,亦打入是項賽事的女單決賽,可惜負於宿敵妮高;不過細佬稱王,相信歐詠芝也非常開心。

香港壁球一姐歐詠芝,上年於此項女單賽事封后;今年就輪到細佬,換言之歐家誕生兩個亞洲冠軍。Leo(歐鎮銘)的決賽對手,是仁川亞運男單金牌得主亞杜拉,歐鎮銘能擊敗這位強敵封王,賽後非常高興:「我開心到唔知講咩好,真係非常高興!冇諗過會贏到,覺得今次比賽,自己比以往更集中,更能發揮水準。」於奪得冠軍之後,Leo將出發到英國出戰英國公開賽。