正呀喂！羽毛球「四大天王」同場較量！

嘩嘩嘩！羽球「四大天王」齊聚北京大學呀！林丹、李宗偉、陶菲克同蓋德今日喺北京大學進行羽毛球表演賽，作為以前同依家嘅競爭對手，4個人一齊暢談以前嘅比賽場景，場面真係好溫馨！難得見到4位高手齊集，梗係要打番幾場比賽！除咗單打之外，林丹同李宗偉仲合作同陶菲克、蓋德打雙打，兩個人默契真係唔錯，場內係競爭對手、場外係好朋友，果然識英雄重英雄！