港超聯 南華躉放心晒!陳7續咗約!

20150603
東網電視
更多新聞短片
Yes!南華躉幾驚你走呀!  (資料圖片)

因傷錯過了南華季尾多場重要賽事,以及未克替港隊出戰首兩場世界盃外圍賽的「陳7」陳肇麒,經已揮筆與南華續約,成為繼陳偉豪後,另一落實留隊的「少林寺」骨幹球員。

對於今次續約的條件,「陳7」坦言十分滿意,亦深深感受到會方對其重視,他謂:「南華一直裁培我,我很高興可以繼續以表現回饋球會!」另外,對於曾有「口痕友」批評陳肇麒剛季入球率大跌,指其演出正走下坡,「陳7」頓時收起其雀躍心情道:「把口人哋嘅!啲人識唔識波,一聽佢哋講啲嘢就知啦!啱啱呢季我係入得4球,但季內無論邊位教練,都安排我喺場上做其他嘢,除咗前鋒外我好似踢過中場同右翼,我照足教練指示去踢,有無貢獻我自己唔講啦。但如果我係無作用,會方都唔會同我續約啦!好彩識波嘅人有好多,唔係我失業啦!哈!哈!」

據悉南華成功與舊將續約同時,在羅致新兵方面的工作亦進展良好,待時機成熟便會正式公布。