【欄王離婚】國內傳媒爆劉翔同舊女友翻撻

「欄王」劉翔早前戲劇性離婚，真係勁震撼，依家個個都剝住花生，睇實事態發展。國內傳媒啱啱爆料，話劉翔已經同前女友翻撻，佢係何方神聖？原來係中國撐杆跳頭號美女吳莎！報道指現年30歲嘅吳莎，09年同劉翔撻着；傳媒話吳莎同葛天似樣到爆，懷疑劉翔同葛天結婚，只係搵「愛的替身」。

國內傳媒《大江晚報》指，據講係「吳莎閏密」嘅知情人士向佢哋爆料，話吳莎係劉翔前女友，雙方仲曾經去到談婚論嫁嘅階段，2013年全運會後，吳莎即時去咗美國，就係同劉翔喺當地會面。《大江晚報》記者搵過吳莎嘅教練孫岸，佢話：「劉翔如果真係同吳莎拍拖，完全唔出奇，因為吳莎係國內田徑界數一數二嘅美女，劉翔睇中佢好正路。」《大江晚報》記者不停打畀吳莎，不過都搵佢唔到，「吳莎閏密」指吳莎係專登躲起來以避風頭：「吳莎依家唔喺合肥，估計要躲一陣，佢依家應該係同劉翔一齊。」

吳莎係國內著名撐杆跳運動員，09年全運會冠軍，今年30歲，身高1米73，喺安徽出生。