投東方實現籃球夢 陳兆榮:要多謝女友

20150815
東網電視
更多新聞短片

全港首支職業籃球隊東方來季升上甲一,令不少渴望打「職業波」本地球員,紛紛爭相加盟實現籃球夢,出身於永倫的陳兆榮亦不例外,來季將告別母會轉投東方踏上「職業路」。由於職業生涯短暫隨時要「搏一鋪」,陳兆榮幸得女友在背後默默支持、陪伴追逐「職業籃球夢」,難怪作風一向低調的他,亦首度開腔答謝女友支持。

本地籃壇型男多,每逢有聯賽上演皆吸引不少美少女入場,然而「籃壇乖乖仔」陳兆榮心中則只得同樣是出名乖乖女的女朋友「阿心」。每逢說起籃球均滔滔不絕的陳兆榮,提到女朋友時即變「怕醜仔」:「我同佢喺大學認識,已經一齊3年。」自認一成不變的陳兆榮,坦承大部分時間都奉獻給籃球,每天都是練波與教波,幸好女朋友十分體貼從不「詐型」。

陳兆榮如此形容女友:「雖然佢有時都會講笑問我『除咗籃球,你仲識啲乜?』我亦自知好多時會因為訓練陪唔到佢、忽略咗佢嘅感受,但佢從無怨言之餘更會鼓勵我,我真係好多謝佢嘅體諒。」

陳兆榮下季加盟東方正式「打職業」,訓練質量定必大大提高,然而這位「乖乖仔」仍能以積極態度面對挑戰:「相信訓練量會係以前嘅2、3倍,我會加強體能訓練做好準備,以最佳狀態搏到盡!」訓練增加肯定令陳兆榮私人時間大減,不過他受訪時亦承諾會盡量抽時間陪女友:「到時星期日放假一定會陪女朋友,星期一至六操練後都會等佢放工食晚飯。」小情侶間的一個簡單承諾,相信已令「阿心」甜到入心,有這位「跟得女友」支持,陳兆榮在新球季再闖高峰自然更事半功倍!