英超Fever:食家阿古路 朋友妻冇走雞

20150817
東網電視
更多新聞短片
阿Kun係識食!(互聯網圖片)
阿根廷射手阿古路(Kun)場內射得,場外一樣咁射得!南美傳媒瘋傳呢位曼城球星食過曼聯門神羅美路老婆艾蘭娜(Eliana Guercio),整咗一段球會敵人兼國家隊隊友變襟兄弟嘅複雜關係,甚至有傳「着舊鞋」嘅羅美路鬧婚變,媽呀!好亂呀!

又到講故仔時候,根據南美傳媒劇本,呢段三角戀是咁的,7年前一個月黑風高嘅晚上,年僅廿歲嘅阿Kun將寶貴初夜獻畀一位大姐姐,冇錯喇,佢就係羅美路現任老婆艾蘭娜。聽講羅生知道後勁嬲,曾經喺阿根廷國家隊同老襟阿Kun嘈過,返到屋企又鬧老婆,搞到傳婚變呀。

家陣阿Kun27歲,而艾蘭娜就37歲,佢喺2008年同羅美路結婚做人妻,仲生咗兩個女。對於「破處門」事件愈搞愈大單,艾蘭娜前日接受阿根廷媒體《Ciudad》訪問喊晒口澄清:「啲傳聞係吹水,我冇同阿古路拍過拖,我同羅美路嘅婚姻亦冇問題。」咪住先!破處同拍拖係兩回事喎.....不過艾蘭娜承認同阿古路一家好熟,仲話阿Kun父母好鍾意佢喎!喂呀,即係點喇!

而男主角羅美路都現身幫口:「我有個好老婆同美滿家庭,唔想啲人講閒言閒語。我識咗阿古路10年,如果佢哋有路就直頭唔同佢講嘢啦,聽住呀,我哋係朋友!」朋友定老襟.....吖唔係,朋友定兄弟呀!