港超聯 還鄉追夢!葉子俊堅守元朗

20150820
東網電視
更多新聞短片
元朗中場球員葉子俊,帶大家喺元朗食好嘢!

百年歷史電車被指「阻住前進」、「元朗米」亦因收地恐成絕響,發展二字在香港大過天,元朗中場葉子俊家族長居元朗八鄉,發展的巨輪早已輾過這片鄉土,這位原居民親歷水貨客「入侵」大馬路、高鐵工程毀掉滿載童年回憶的農地,卻始終心繫家鄉,拒絕「撤離」;「子俊」對深愛的足球同樣堅守,生涯多年來雖叫好不叫座,惟他仍執意今季在「家鄉球隊」元朗再闖一片天!

「呢檔腸粉好食,平時通常老闆娘看舖;後面仲有間拉麵,練完波成日食,好正0架!」走進錯綜複雜的元朗內街,葉子俊隨口數出大堆「元朗人」才認識的美食,若非這位原居民帶領,記者恐怕早已迷路。「子俊」在元朗成長,自小發球星夢的他年少時常與朋友到區內街場「跟隊」,但這片土地近年已經歷巨變:「之前真係好亂,好多水貨客,行人路根本行唔到!有無見過『7仔』會執?執咗兩日就變咗藥房。」近年常惹爭議的高鐵工程,亦「入侵」葉子俊所居的村落:「我住嗰度以前全部田嚟,依家幾十畂都係地盤,環境好差,好唔鍾意,細個踩單車啲路都封咗!」

元朗自然風光買少見少,這位中場雖不捨,亦只好無奈接受:「會懷念以前少啲人嗰陣,有人話遲啲大棠同南生圍會收嚟起樓,所以依家會去多啲……要發展,都無辦法。」但「子俊」未有打算離開這片成長樂土:「對元朗有感情嘛,由細玩到大嘅朋友都喺度,只要繼續留喺香港,就唔會搬出去。」

歲月催人,除家園經歷巨變,葉子俊亦已步入球員生涯晚期,他効力屯門及太陽飛馬時球技均備受讚賞,惟除在「摩力克時代」短暫入選港隊外,就未有太多亮點,近兩季効力以豪門形象示人的太陽飛馬又與錦標無緣,「子俊」亦感無奈:「當時對(太陽)飛馬好有期望,因為係最當打嗰幾年,仲想喺飛馬踢到唔踢為止,球會所有嘢都好專業、球員高水準,諗住一定攞到冠軍,好可惜,離開時都有諗過係咪已經發完夢。」今季加盟家鄉球隊元朗,規模雖不及舊東家,但他仍拒絕放棄爭標:「攞聯賽冠軍一定好難,睇下盃賽有無機會,點都要抱住希望!」

葉子俊●資多啲

出生日期:1985年5月15日
身高/體重:1米76/62公斤
位置:中場
効力球會:元朗(港超聯)
曾効力球會(只列部分):淦源、天水圍飛馬、屯門、太陽飛馬

圍村文化增踢波壓力

葉子俊以「土炮」身份加盟元朗,為「家鄉球隊」出戰可能會有更大動力,但對「子俊」來說,「圍村文化」或對他征戰球場造成更大壓力:「唔知好事定壞事!」

早年効力天水圍飛馬時,葉子俊常在區內主場元朗大球場作賽,他回憶當時情況:「觀眾席上10個有8個都識,有得踢都好啲,如果無得踢,一行出球場就會撞到識嘅人,佢哋會問我究竟係太懶定傷咗,成程路起碼答10次!」原來圍村左鄰右里關係密切,「鄉親父老」言詞亦特別嚴苛,輸波肯定「有嘢講」,贏波卻無人讚:「元朗啲人好怪,我踢得唔好嗰啲場場都知,踢得好,佢哋又好似無睇新聞!」

除因傷轉而從事機場保安及地盤工作那幾年外,葉子俊自十多歲起便因踢足球「大把嘢聽」,他坦言小時候曾因此心靈受創,但慢慢已學懂面對:「喺佢哋角度會覺得起村屋收租,先係長遠同穩定,依家都由得佢哋講,講多兩句咪轉話題囉。」不過「子俊」仍打算掛靴後繼續留在球圈,希望轉型做教練。