港超聯 諗清諗楚!蘇來強掛靴

20150829
東網電視
更多新聞短片
「來強」努力!一家大細靠晒你呀!    (資料圖片)

上季後不獲元朗留用的中場球員蘇來強,曾先後隨標準流浪和黃大仙操練,但最終都未能就條件與球隊達成協議,經與家人及多名球圈中好友傾談後決定,與其要做兼職幫補收入,倒不如早點全身而退,專注教練工作的發展,決定告別職業足球。

「雖然我本來好有信心,可以踢多一、兩季先掛靴,但有時好多嘢我控制唔到,包括際遇,可能我啲性格問題啦!不過,我都好多謝球圈入邊,仲有好多人好幫我,不斷同我傾,幫我打算同鼓勵我,好多謝佢哋!但係我都決定咗唔再強求,早啲抽身全職去教波。」蘇來強道出其決定掛靴的因由。

現年33歲的「來強」,17歲時透過香港仔明愛的外展社工「張Sir」穿針引線下,加盟二合青年軍,之後効力過福建、流浪、大埔、傑志、公民和元朗,期間入選過奧運隊和香港隊,試過護級、無糧出,亦嘗過聯賽冠軍的滋味,接近17年的職業足球生涯尚算精彩,如今就此告別,會否不捨?「話無唔捨得就係呃人!唔通我攞把刀行住自己條頸,逼人哋畀約我簽呀?唔想踢到唔湯唔水,寧願去踢甲組,有啲收入之餘仲可以享受到足球嘅樂趣。而且我之後會全職教波,都算繼續留喺個圈度,都OK嘅。」據悉「來強」新一季會披上晨曦球衣,在港甲亮相,他的支持者記得屆時去捧場啦!

至於早前與「來強」一同到黃大仙碰運氣的趙俊傑,消息指將會與該隊簽約,得以延續其足球夢。