意甲　米赫洛域死跟寸王「唔辭職」

近期歐洲刮起炒教頭旋風，AC米蘭喺意甲主場以0:4慘負拿玻里後，教練米赫洛域甚至被意大利電視台頒贈代表好唔掂嘅「金貘獎」贈興，隨時落鑊，不過佢同車路士領隊莫連奴一樣，講明死都唔會辭職：「貝魯斯干尼打過電話畀我，要求我解釋，但我唔會辭職，我嘅字典入面冇呢個詞語，換唔換教練係球會嘅決定。」其實報道話，AC已經啟動搜尋新教練模式，兩大熱門人選係史巴列堤同鄧立東尼。