超清純！日本全國大賽新應援經理

第94屆日本全國高校足球賽喺11月16號進行抽籤，12月30號開幕，決賽出年1月喺浦和紅鑽主場開打，聽落已經知道好把閉，而且大會每年都會選出深得巴打歡心嘅新偶像，擔任全國大賽應援經理，藝能界仲話，能夠當選嘅好大機會走紅添！

事實上，第1代嘅堀北真希同第2代嘅新垣結衣已經係一線紅星，就連跟住嘅川島海荷同川口春奈，都已經有機會喺日劇擔正。今年嘅新應援經理係16歲嘅永野芽郁，佢本身係童星出身，拍過唔少劇集同廣告，外貌清純啱晒宣傳高校足球呀！