英超Fever：女團殺手！孫興民戀爆乳姐姐

熱刺射手孫興民紅到爆，要做韓國「女團殺手」，真係話咁易！呢名身價達2,190萬嘅射手，早前被爆同過Girl's Day嘅敏雅拖手行街，但拍拖3個月就玩完，依家孫興民已經有新對象，佢就係前韓國女團After School成員，今年29歲嘅劉小英。小英日前夜媽媽揸車去見孫興民，短聚2小時後離開，真係好煙韌，唔知呢段姊弟戀會唔會開花結果呢？

孫興民今年23歲，去到熱刺一樣踢到曉飛，日前佢為南韓上陣鬥老撾又有士哥，入波後佢做咗S手勢，原因係劉小英個社交網ACC係「SsoSso_1004」，真係甜到漏。本月14號，孫興民喺國家隊訓練營練波，劉小英戴晒帽，神神秘秘咁揸車去會愛郎，當地傳媒拍到二人齊齊上車，冤氣短聚2個鐘，好鬼SWEET。戀情爆出後，劉小英大方承認戀情，網民仲話係興民係女團殺手添！