印尼最索利迷　全球徵真‧紅軍男友

嘩，呢個妹子好養眼喎，人靚身材勁又夠後生，網絡女神就係呢啲啦！印尼19歲少女Ayu Felicia，細細個就鍾意睇波，之後狂熱愛上利物浦，擺到成屋都係利記嘢，被封為全印尼最正利迷。Ayu話揀男朋友首要條件，係要個男仔係真‧紅軍粉絲喎，仲話唔介意佢係外國人！機會嚟喇巴打，仲唔瞓身應徵？

Ayu Felicia樣靚身材正，雖然小記搵唔到佢三圍，但上圍目測，最少都有33D啦！佢最鍾意紅軍，喺佢社交網入面，成日見到佢着住利記波衫，有啲仲要加工過，整到低一低胸先影相鋪上網，認真疏爽唔話得。佢係堅利迷，擺咗好多紅軍消息上去，有啲仲係好專業詳細嘅分析，唔係淨係鍾意靚仔㗎囉！佢話拍過唔少次拖，但就因為男朋友一係唔鍾意睇波，一係就扮利迷而接近佢，所以目前單身嘅佢，希望下一任堅係利迷。查實小記都好迷利物浦㗎，最鍾意就係朗尼....咦，佢唔係踢利物浦㗎咩？