港超聯 「雙料隊長」陳偉豪:講廢話好緊要

20160127
東網電視
更多新聞短片
「偉豪」除咗係好隊長,亦係好老竇、好老公!
能夠戴起隊長臂章,當然要有隊長風範,今屆省港盃年僅19歲的陳俊樂出任港隊隊長成為一時佳話,但不要忘記香港隊與南華還有一位熱血隊長陳偉豪!其實隊長一職並無任何特權,亦不一定最好波,最重要是隊友受落,早前南華在幾場大戰失利,危急關頭更加需要「偉豪」這位好領袖,帶領隊友迎接新挑戰。
陳偉豪的領導才能在讀書時代已顯露出來,他回憶道:「我讀書成績差,課室入面根本冇人聽我講,反而出到球場,因為我比較識同人溝通,又鍾意搞gag講廢話,所以有機會做校隊隊長,入選香港青年軍之後,亦試過同李志豪輪流做隊長。」
中學時期,陳偉豪在體院受訓,當年遇上足球生涯第一個好隊長,就是已退役多年的「肥康」張偉康:「體院階級觀念重,教練亦好嚴厲,比我年長嘅隊長『肥康』好維護後輩,畀教練鬧完,佢會呵番我哋。」成為全職球員後,「偉豪」遇上另一位影響他至深的隊長,就是當年入籍香港的巴西中堅高尼路。高尼路以隊長身份率領港隊出戰亞洲盃,他的熱血精神令「偉豪」深受感動:「當年港隊喺國際賽成績唔突出,記得有場對卡塔爾,我哋落後3球,全場只有佢繼續鼓勵隊友,要一支輸到『頭耷耷』嘅球隊再抬起頭係好困難嘅,高尼路當時嘅表現令我印象好深刻。」
經過10多年無數次磨鍊與考驗,陳偉豪於4年前成為港隊與南華「雙料隊長」,亦掌握了做個好隊長的竅門:「做隊長唔一定係最好波,亦唔會有任何特權,我覺得隊長職責最重要係同隊友保持良好溝通,只有溝通,先可以建立信任,先會有默契,尤其對香港隊嘅入籍外援同國援,我會主動同佢哋熟絡。」他笑說:「可能有時太過火,有啲隊友會嫌我煩,黃洋就係其中一個,哈哈!」
南華近期在聯賽及銀牌連場大戰敗北,陷入低潮,陳偉豪更自覺責任重大:「球隊任何時候都必須要保持正面樂觀態度,有時輸波亦係好事,因為可以從中找出問題所在,收復失地。」
兼任「球員工會」主席 聯繫感情聽心事
陳偉豪除了是南華隊長外,原來還有另一個身份────「球員工會」主席!話說上季南華換足主,張廣勇入主球隊後,陳偉豪、陳肇麒、梁振邦幾位球隊核心華將開了個群組「球員工會」,此組織的功能很簡單,就是球員出獎金後安排夾錢食飯。
「我哋唔想練完波就散,一支球隊實在好需要聯繫感情,所以開咗個群組,除咗夾錢食飯,仲畀班隊友傾吓心事,呻吓冤屈咁,小弟有幸擔任創會主席,其實我已經物色咗繼任人選,『肇麒』將會係下任主席。」