里奧費迪南：我同維迪係天作之合！

曼聯名將尼曼查維迪宣布退休，佢喺「紅魔鬼」時代嘅最佳拍檔里奧費迪南聽到呢個消息都好傷感，仲喺個人facebook寫咗段長文添，以下係部份內容：

尼曼查維迪喺練波時每日都面對偉大嘅射手(C朗、尹佩斯、沙夏、朗尼)，佢喺俄超一下子轉戰英超係唔容易。喺更衣室從來都冇情講，但佢好快就得到隊友認同。佢係個深思熟慮嘅人，時刻都會以唔同角度檢討自己，每當練波時陷入困局就會反覆思考。維迪喺健身室好努力操弗狀態，全力適應英超，以及喺球隊確立地位。

我同維迪合作無間，好多人都會問我哋練波時有冇做特訓，其實真係冇！一切都嚟得好自然。佢踢法好進取，鍾意第一時間做攔截，我就鍾意墮後執漏。我哋嘅默契隨住每場征戰不斷增加，愈來愈好！佢係咪我職業生涯最佳拍檔？Yes！

作為朋友，佢都係冇得頂！忠於朋友，而且好識為人著想，當佢有心理準備時，都可以開吓玩笑嘅！

曼聯依家就係缺少佢呢種球員，整個球壇都會掛住佢！

What a player.....what a guy....

歡迎加入退休球員行列呀老友！

里奧費迪南