迪羅斯世盃獎牌　送別逝世意軍老員工

媽呀，堅洋蔥呀！羅馬硬漢中場迪羅斯，一生冇攞幾多次冠軍，06年奪得世界盃冠軍獎牌，肯定係佢到目前為止，攞到嘅最高成就。當年隨隊嘅意大利國家隊老員工林巴迪，近日離世享年92歲；迪羅斯為咗紀念佢送佢一程，將世盃獎牌擺入佢棺木入面，致以最高敬意。

林巴迪為意軍服務多年，於06年隨隊遠征德國，為各個球員擦鞋，並處理各項雜務。因為個性隨和，當班球星仔一樣，所以好多球員都好敬重林巴迪。日前林巴迪離世，羅馬隊長托迪於社交網上，寫文悼念呢位老友；而迪羅斯更係非常傷心，最終決定向呢位仁慈老伯伯，送上自己最寶貴嘅獎牌。