籃球仍是最愛!香振強養傷一年再次高飛

20160322
東網電視
更多新聞短片

你到底有多喜歡打籃球?「如果唔係打籃球,我根本唔知道自己可以做啲乜。」一年前的重大傷患,令香振強人生跌落谷底。因為跟腱撕裂,對34歲的「阿香」來說,籃球員生涯可能已經走到盡頭。停飛一年,有過沮喪、有過掙扎……一年後的今天,香振強已經可以在籃球場上奔馳。能夠再次高飛,現在的他,更珍惜在場上剩下的一分一秒!

「有諗過自己再打唔到波,但自己接受唔到現實。」把籃球當成自己的生命,香振強上季曾經因為跟腱撕裂,在球場上消失了一年。看過很多名醫生,沒有一個可以明確告訴他復原的時間,甚至跟他說不可能再打籃球。當時的「阿香」不服輸,照練照操,但到了傷後半年,他發現自己痛得愈來愈嚴重,不但要100%休息,更加要穿上矯形鞋,活動能力完全受阻。不能接觸最愛的運動,生活完全跌入谷底。「當時根本唔想出街,都唔想同任何人聯絡,全部時間淨係留喺屋企。」

透過朋友、家人的關心,加上自己倔強的性格,香振強開始重新面對他的傷患。經過反覆的治療,終於有機會重新站上他的舞台,但過程中仍然有過掙扎。「季初開始練番波,其實有一段時間痛到唔想再練,覺得自己係時候退落嚟,覺得好辛苦,好似唔知為乜咁。」慶幸身邊有好朋友開解,令他想起打籃球的初衷。

珍惜場上每分每秒

「打籃球好辛苦,做運動員好辛苦,去到我呢個年紀嘅運動員真係好辛苦。」4月就年滿35歲,香振強在這個年紀繼續運動員生涯,要忍受不同程度的傷患。但他就表示:「如果唔辛苦,就冇咁有意義,做人都係一樣。」受傷這一年,的確帶給「阿香」很大的啟示。雖然醫生已經警告,他的腳不會完全康復,現在的他,有時會忍痛上場,但他從不後悔。

「我依家係享受緊,剩番呢段時間喺球場上嘅每一分每一秒!」新季轉投東方,成為一個職業籃球員,「阿香」在這個年紀投身職業,冠軍就是最大的目標。「自己在永倫都拎過好多個冠軍,但未試過以一個職業球員身份去拎!」本地球壇已經正式開季,香振強亦在兩場高級組銀牌比賽中重新踏上自己最愛的舞台,打完首場比賽,他說:「好陌生,隔咗成年再返嚟呢個地方打波,但心情真係好興奮。」

打了超過17年甲一,儘管傷痕纍纍,亦有過厭倦,但香振強仍然堅持自己的籃球夢。「喺受傷呢一年幾,完全冇得掂籃球,先發現自己有幾鍾意呢項運動。」現在的他,可以再次在籃球場上奔馳,對曾經重傷的他來說,已經是一個恩賜。


香振強小檔案

年齡:34歲(13/4/1981)
身高:1米73
位置:控球後衞
現效力球會:東方
曾效力球會:飛鷹、永倫、福建
主要榮譽:6屆甲一聯賽冠軍、2屆銀牌冠軍