NBA總結：點搞呀？雷霆2分贏殘陣快艇

雷霆喺NBA主場以119:117險勝快艇，唔能夠喺臨近季後賽開始前，展現爭奪總冠軍嘅實力。雖然杜蘭特同韋斯布克分別攻入31分同26分，但快艇有格芬停賽，基斯保羅、列迪克同迪安迪佐敦輪休，最後雷霆只係贏得2分，真係乜面都冇晒！

開賽後兩隊進行搶分大戰，但快艇喺副選出戰下，完成第2節後反而以69:65領先，而且雷霆喺第3節發力，依然追唔上對手，最後杜蘭特取得31分、5次助攻同8個籃板，韋斯布克取得26分、11次助攻同8個籃板，總算帶領雷霆贏波。

同日，火箭喺主場以100:103不敵公牛，跌至西岸第9位。雖然占士夏登取得22分、7次助攻同5個籃板，但唔足夠為火箭扭轉敗局。另一方面，戴歷羅斯喺第1節打咗11分57秒就因傷退下火線，但占美畢拿拎到21分、6次助攻同8個籃板，帶領公牛取得2連勝。

最新賽果(右方主場)

籃網　87:107　騎士

魔術　114:94　溜馬

公牛　103:100　火箭

金塊　95:101　塘鵝

快艇　117:119　雷霆

塞爾特人　109:116　拓荒者