港超聯 介紹番!體操高手美高

20160504
東網電視
更多新聞短片
美高原來係體操高手!

6年多前港甲球會沙田引入東歐兵來港救亡,其中1位「M字額」中場好使好用又易認,好多球迷都識得佢,呢位就係灝天黃大仙中場通天老倌美高,轉眼間美高將入籍做港人,年屆37歲依然滿場飛,一副好身手原來因為孩童時代曾是體操選手,灝天黃大仙果然卧虎藏龍!

每逢奧運亞運港人愛看體操,香港近年爆出「跳馬王子」石偉雄,但原來美高亦是箇中好手,真係估佢唔到:「我家鄉塞爾維亞設有各種體育訓練提供當地小童,我9歲前已接受過嚴格體操訓練,單槓、雙槓、跳馬我全部都會。」不過他說因為很久沒練習,亦害怕受傷影響表現,所以一直收埋絕藝唔會輕易顯露兩手。

有體操的基礎,美高轉踢足球亦特別快上手,30歲前一直在國內落班,直至6年多前時任沙田主帥的同鄉狄恩推薦,自此來到香港發展,且一踢就足足6年。「我家鄉的小鎮人口不足4,000人,因此習慣了寧靜,來到人口稠密的香港最初很不習慣,但相對在港起居生活亦非常方便,而且一直有球會落班,所以決定留下,只是子女因升學問題必須返回家鄉,現由妻子照顧。」

美高6年以來在港都能落班,雖只効力中小型球會,但他並不自卑,並稱這是香港特色:「香港足球的最大特色就是今日唔知聽日事,很多球隊每季都幾乎會重新組軍,其實大球會或小球會差別不大,只是薪金高低而已,而我每次落場都交足100%。」再捱多半年就可達標,居港滿7年申請入籍成為本地球員,美高的足球生涯將有機會延續下去。

對於M字額,美高笑說父親都是這個髮型,是家族標記:「很多球迷都因此認得我,今季有一班學生更長期來捧我場,很多謝球迷支持,我的髮型冇得變,就像我每場拚盡的比賽態度,一樣不會改變。」


●美高(Mirko Teodorović)
年齡:37歲
位置:中場
現效力港超球會:灝天黃大仙
曾在港効力球會:沙田、屯門、橫濱FC香港、晨曦