NBA　現實版《入樽》人物去美國啦！

記唔記得日本漫畫《男兒當入樽》兩大主角櫻木花道同流川楓，打到全國大賽嘅時候話想去美國留學？其實作者井上雄彥喺現實生活中，真係有幫助日本球員完成夢想去美國，現年26歲嘅並里成，仲諗住再次挑戰加入NBA添！

井上雄彥成立嘅「Slam Dunk獎學金計劃」，今年己經踏入第10個年頭，當中第1個得到獎學金，曾經到美國South Kent School留學嘅並里成，身高1米72司職控衛，雖然佢歸國後長期喺日本發展，但近排佢話會再去美國，希望得到加入NBA嘅機會，所以井上雄彥趁佢出發前傾咗一輪，畫咗幅漫畫鼓勵佢，大家係咪覺得件事好熱血？