【有片】C朗頭槌達2米88！連尼加都「O嘴」
20160707
東網電視
更多新聞短片
根據外國足球網站估計，C朗呢球頭槌摸高達到2.88米。〈Getty Images〉
歐國盃來到4強階段，葡萄牙終於贏一場清脆勝仗。50分鐘，基斯坦奴朗拿度用一球標誌性嘅頭槌打開紀錄，最終以2比0擊敗威爾斯。呢一球球槌充分展出到C朗驚人嘅彈跳、騰空能力，究竟C朗跳到幾高？
根據外國足球網站PASION FUTBOL的估計，C朗呢球頭槌摸高達到2.88米。用威爾斯守衛占士哥連斯的身高做比對，哥連斯身高1.88米，C朗一跳就高過佢半個身，所以估計C朗呢球頭槌摸高高達2.88米，守佢嘅占士謝斯達跳到盡到仲差C朗成個頭，可想而知C朗嘅彈跳有幾恐怖。而C朗身高1.84米嚟講，即係佢垂直彈跳高度超過1米！
連英格蘭名宿連尼加都忍唔住大讚：「我從來都未見過有球員可以跳到咁高，騰空咁耐，太不可思議喇！」全新Facebook足球資訊專頁，彩報同你追實歐國盃！即去彩報Facebook專頁睇片！