【里約奧運】一餐飯做賭注！成就保特傳奇人生

又係保特起底時間，媽媽就話阿囝係天生運動家，爸爸就話因為阿囝由細到大食山藥，所以跑得快。今次又輪到同學仔同牧師幫手喎，究竟發生咩事先？

喺保特12歲嗰年，有個同學就話自己係全校跑得最快，細細個嘅保特梗係唔認輸，都話自己係跑得最快。呢個時候就學校牧師就走出嚟，叫兩個細路鬥番一場，邊個贏就請邊個食lunch。最後結果係點，我諗都唔使我講喇，保特就係咁畀老師發現短跑天份，至後仲由板球轉去玩田徑喇。故仔就講完，因為呢餐飯，令保特登上世界之巔，唔怪得保特成名之後，都不忘報答學校，捐錢之餘仲買物資喇！

SO東波同你追實體壇每個精彩時刻！