NBA 激動拎指環 大帝揭幕戰三雙贏紐約人
20161026
東網電視
更多新聞短片
領取冠軍指環，激起大帝打出三雙成績。(美聯社圖片、互聯網圖片)
新季NBA揭幕，大帝勒邦占士威到盡，場內場外都搶晒鏡！揭幕戰克里夫蘭騎士主場對紐約人，開場前進行頒發上季總冠軍指環，身為老大哥嘅占士勁激動，戴上戒指致辭時一度眼濕濕。不過占士好快就收起感性，今場勁爆打出19+14+11三雙成績，大破擁有戴歷羅斯嘅紐約人117:88。
身為上季總冠軍，騎士今仗賽前當然要威到盡，全場球迷都為領取冠軍指環嘅英雄歡呼。占士領取戒指時表現激動，戴上後一度掩面，致辭時更熱淚盈眶。占士今場表現出一流狀態，雖然於戴歷羅斯同安東尼帶領下，紐約人開局唔曳，不過騎士好快就收復失地，到第3節更大爆發，打出一段26:10攻勢，一舉攞到74:53嘅21分優勢。去到最後一節，占士取得19分、14個助攻及11個籃板成績，帶領騎士於揭幕戰大勝；而占士於職業生涯中，3次打衞冕首戰都贏波，而佢亦係繼2006年傑特之後，首個於揭幕戰就打出三雙成績嘅球員。
SO東波同你追實體壇每個精彩時刻！