東錦賽女足 南韓李玟娥入2粒堅Cutie!

20161108
東網電視
更多新聞短片
東亞錦標賽第二圈女足揭幕戰在跑馬地的港會場上演,南韓女足大炒關島13蛋,今場南韓10號李玟娥成為全場焦點!咪睇佢細細粒,外表清純可愛,呢位靚女中場其實左右腳都咁好波,直頭成個南韓女版林嘉緯咁,今場頭頂腳踢梅開二度,睇到現場球迷都拍爛手掌!
其實李玟娥一早喺南韓岀晒名,去年嘅東錦賽已經正選上陣,憑天使面孔人氣急升,被網民捧為新女神!依家李玟娥已經成為球隊嘅重心,唔少攻勢都係由佢策動,下場(11日)對香港,大家記得留意下佢喇!
東網體育同你追實體壇每個精彩時刻!