【亞洲最佳】鴨都拉文壓武磊首膺亞足先生

20161202
東網電視
更多新聞短片
奧馬鴨都拉文實力毋庸置疑。

亞洲足協年度頒獎禮今晨喺阿聯酋首都阿布扎比圓滿結束,除咗我哋香港嘅「牛丸」陳婉婷勇奪年度最佳女教練之外,仲有其他多個獎項都頒發咗,焦點梗係亞洲足球先生,最後就有今年表現神勇嘅阿聯酋國腳奧馬鴨都拉文取得。

話說現年25歲嘅奧馬鴨都拉文,今年帶領住阿聯酋殺到入世界盃亞洲區外圍賽第4階段,依家仲有機會攞到2018俄羅斯世盃入場券。此外,佢早前仲帶領住所屬球隊艾阿恩勇闖亞冠盃決賽,只係喺決賽飲恨喺全北汽車腳下屈居亞軍,但佢就先後喺8場賽事獲選為MVP,真係堅到爆燈,而佢亦繼同胞阿密特卡利舊年當選後,連續兩年將呢個大獎帶返阿聯酋。

另外,最佳男教練就由全北汽車主帥崔康熙當選,女子最佳球員則係澳洲嘅姬蓮科特,而日本國腳岡崎慎司喺協助李斯特城贏得英超冠軍後,都攞到個年度亞洲國際球員大獎,表揚佢嘅成績。

東網體育同你追實體壇每個精彩時刻! 
http://bit.ly/2ecTF2A