【火箭枱前傳】奧蘇挑機　偉明：我讓你幾度？

由奧蘇里雲親自設計嘅「波王枱」，早前殺到九龍城廣場嘅東亞桌球中心，連城城、Chilam都冒名去到現場試枱，就知呢張價值34萬港紙嘅靚枱有幾巴閉。

即睇火箭枱有幾勁：http://bit.ly/2h7RzU5　

有香港戴維斯之稱嘅陳偉明，今次引入呢張波王枱，絕非只係因為奧蘇里雲紅遍桌球界咁簡單，事實上佢兩個好有淵源，奧蘇唔止細細個就聽過偉明個名，原來仲挑過偉明機！

偉明話，佢當時去咗英國打職業桌球，同杜赫迪等好手結緣，兼且識埋奧蘇里雲爸爸，大家成為好朋友。當時只得16歲嘅「小火箭」，因為希望試試「職業枱」，所以主動撩偉明打波。當偉明問要讓7度抑或14度時，杜赫迪就衝出嚟爆出連番搞笑對話，詳情梗係要睇片啦！