奇雲基瑾訪港　紅軍未係時候攞冠軍

前英格蘭及利物浦名宿奇雲基瑾與泰利麥特莫今日到香港大學何鴻燊體育中心與英基學生進行交流及分享，更與在場小朋友打成一片，場面非常熱鬧。　

奇雲基瑾其後接受訪問時指自己35年前曾經來過香港，今次再來覺得變化很大。作為紅軍名宿，利物浦近期表現平平，基瑾就有以下睇法：「紅軍正在不斷成長，但今季未係時候攞冠軍，但將來一定可以。」至於紅軍現時邊位球員最重要，就話菲臘比古天奴，但同時對另一位紅軍球員占士米拿有些意見：「我覺得他並不在最佳位置，縱然佢踢得好好，但我始終認為佢不在最佳位置。」至於對英格蘭國家隊嘅睇法，基瑾話雖然自1966年後未曾贏過大賽冠軍，球隊正不斷進步而且有不少好球員，雖然兩年後俄羅斯世界盃未必爭取到好成績，但之後的世界盃應該會有一番作為。

自2008年9月離開紐卡素後，奇雲基瑾未有再教任何球隊，當被問到會否考慮重出江湖時，基瑾斬釘截鐵表示：「不會，絕對不會，我很享受現在的生活。」基瑾其後再與現場小朋友簽名和合照才離開，之後再轉往出席分享會，與英基學生、家長及教職員進行分享。

東網體育同你追實體壇每個精彩時刻！　

http://bit.ly/2ecTF2A　

想撐本地波？即Like我撐本地波Facebook專頁

http://bit.ly/1Wm3E4Q