亞冠外 僅差一步!傑志第3圈憾負蔚山

20170207
東網電視
更多新聞短片

歷史性殺入亞冠盃外圍賽第3圈的傑志,今晚於蔚山文殊足球場,與東道主蔚山現代爭奪分組賽E組席位的「終極一戰」!縱然面對著這支2012年亞冠盃冠軍球隊,但傑志打出拼勁,在120分鐘法定時間與對手打和1比1,及至互射12碼階段才以3比4落敗,距離再創歷史僅差極小的一步,不過作客南韓球隊能逼到對手到互射12碼,確是雖敗猶榮!

傑志上半場擺出全軍退守「541泊大巴」陣容,亦成功阻截了對手來犯。主隊蔚山現代要去到38分鐘,才有韓相雲主射禁區外罰球,皮球僅僅遠柱出界,但其餘時間卻未能製造出具威脅攻勢。不過,去到上半場補時階段,蔚山由李宗浩扭入禁區,雖然被傑志守衛金奉珍解圍,但卻彈中隊長金城煥腳下變射門,皮球再彈中楣底入網,令傑志完半場前「臨天光」落後0比1。

傑志易邊後僅僅兩分鐘,便在左路獲得罰球,由林嘉緯主理傳中,金奉珍門前頭槌一批,皮球近柱下角入網,傑志追平1比1。及後戰況變回膠著,雙方未再有威脅埋門,結果在法定時間90分鐘再無紀錄,賽事要進入30分加時。而來到加時階段,最有機會入球反而是主守的傑志,於97分鐘一次反擊,費蘭度大腳妙傳予辛祖,後者禁區內控定再射,可惜卻中柱彈出,未能絕殺對手。結果激戰120分鐘賽和1比1,要以互射12碼分勝負。

來到互射12碼,幸運之神未有眷顧傑志,傑志雖有王振鵬救出李記帝射球,但卻有艾力士及費蘭度宴客,結果以3比4(全場比數4比5)下落敗,於亞冠外第3圈行人止步,未能趕上E組尾班車。

傑志教頭朱志光賽後亦只能嘆不夠運:「球員表現出無比鬥志,要以12碼分勝負邊個都唔想,但係球員嘅鬥志、喺場上嘅表現好好。尤其是上半場失波後,下半場出到去嘅反擊、死擊都準備得好好。尾段有個入波機會,可惜中柱,運可能唔喺我哋個度,所以結局唔係好開心。」