男排小鮮肉闖泰職聯!為夢想人工都唔要

20170213
東網電視
更多新聞短片
本港男子排球員陳獻略(Henry),早前從南華會加盟泰國蘭實大學職員排球隊(RSU),並已於泰國最高級別的職業聯賽上陣3場,周一(13日)兩間球會正式舉行記者會,宣佈加盟事宜。現年24歲,身高1米81的Henry高大又靚仔,打排球之外更擔任模特兒,曾拍攝多個廣告,記者會後又親身教小學生打波,絕對係高質的「小鮮肉」!
泰職聯一年有兩季賽事,正在進行的球季由1月至3月,Henry暫時與球隊簽約1季,他指薪金並不是自己的考慮:「我喺泰國賺到嘅錢可以捐咗去,我係為夢想而嚟 ,呢個係唯一因素。我想話比年輕人聽做運動絕對唔係一個夢想咁簡單,只要你肯努力,呢個可以係一個理想! 」對於成為本港首位進軍海外職業聯賽的男子排球員,Henry指:「我好榮幸我可以做到首位,但希望我唔係唯一!」他希望短時間內可更加努力做好自己,「能走多遠便是多遠」,長遠就想代表香港隊,利用吸收到的經驗打亞洲賽,為香港隊帶來轉變。
Henry在泰國當地受到球會的悉心照料,笑言像貴賓一樣,他亦感受到兩地於場地、打法及氣氛上的差別,但就指自己已瞬速融入球隊,即時學識幾種泰文版的排球術語,與隊友溝通完全無問題!RSU的副校長彭柏就大讚Henry是位好球員:「他不只技術好及有責任心,更令我們的球迷會的人數大增15%,所以未來我們或會繼續與香港球會合作。」
東網體育同你追實體壇每個精彩時刻!