學界精英賽 董之英入到決賽 全靠靚仔門神

20170301
東網電視
更多新聞短片

周三(1日)早上演全港學界足球精英賽4強大戰,仁濟醫院董之英紀念中學擊敗西島學校,周五(3日)決賽將與香港加拿大國際學校加爭冠軍寶座,其中董之英17歲靚仔門神黃梓豪搶盡鋒頭,互射12碼階段總共撲出4球,有冇再犀利啲呀喂?

學界足球精英賽4強,頭場由衞冕的仁濟醫院董之英紀念中學惡鬥西島學校。西島學校上半場氣勢凌厲,早段已憑Vidit先開紀錄。下半場董之英積極反撲,袁世傑及周家樂先後起腳可惜無功而還,最終51分鐘由張耀陽把握門前混亂一抽入網,追成1比1,兩隊要互射十二碼分勝負!

晉級過程未踢過逆境波的董之英互射12碼全靠門將黃梓豪抵得住壓力,「唔緊要呀歐文,有我呀!」說罷又再撲岀對方射門,黃梓豪最終撲岀4球,兩次從岀局邊緣拯救球隊,帶領董之英以3比2晉級,完場時全隊表現激動,有隊友更不禁錫這位贏波功臣一啖!

這位傑志U18門將賽後表示,贏波是球隊的功勞,希望球隊決賽在高空球及轉邊方面能有所改善,自己則最想學習德國名將簡尼的「霸氣」,希望可以「嚇窒對手」!12月入選港青的梓豪直言今場是他贏得最驚險的一場,不過他說決賽對手是誰都不重要,「最重要係拎個冠軍返嚟!」,果然信心十足!

尾場重演去年精英賽季軍戰戲碼,香港加拿大國際學校同樣憑互射12碼,以總比數4:2擊敗拔萃男書院。賽後隊長黃仁傑(Mark Yan Kit Kaiser)表示,決賽對手董之英實力強勁,提醒隊友要留意袁世傑和朱偉鈞,3月2日生日的他希望帶領球隊贏得冠軍,作為送給自己的生日禮物!



東網體育同你追實體壇每個精彩時刻! 
http://bit.ly/2ecTF2A