西甲 尼馬emoji點評隊友 邊個係篤屎？
20170304
東網電視
更多新聞短片
巴塞隆拿球星尼馬向來好玩得，佢最近同隊友拉芬拿艾簡達拿獲邀，用whatsapp入面嘅emoji圖案嚟點評隊友，兩位球星全程好投入咁揀選合適emoji，不過隊友睇完之後唔知點諗囉！
大家最關注嘅當然係美斯啦，尼馬最初用咗「遊戲機手掣」，寓意係佢勁到好似打機咁，之後再改為「皇冠」，直接讚佢係世界球王；至於恩尼斯達就獲安排一個「Top」字，咩意思都唔使多講啦。
不過佢哋就畀個「漢堡包」蘇亞雷斯，似係暗寸佢鍾意「咬嘢」。不過成段片最尷尬時刻就係評法國中堅烏米迪迪嗰陣，尼馬竟然一邊笑一邊拎起個「屎」圖案放上去，即係話人屎波啫！可能佢哋都知道過份咗，後尾就轉做「油指甲」，唔通暗示佢係乸型？
東網體育同你追實體壇每個精彩時刻！