【荷蘭‧慘】古華特孭巨債　捲荷甲假波案

荷蘭球壇近年每況愈下，繼緣盡2016年歐洲國家盃決賽周後，今晨世盃外又輸畀保加利亞，出線2018年世盃亦危危乎！國家隊唔掂，連荷甲亦爆出假波醜聞，據荷蘭著名報章《人民報》爆料，名宿古華特喺2011至12年擔任川迪預備組教練嗰陣，曾經就多場川迪一隊嘅比賽投注，一度欠下犯罪集團100萬歐元巨債，而該犯罪集團亦因為涉嫌操控足球比賽而受到調查，報道指古華特亦曾被警方傳召，不過呢位名將嘅律師就堅稱古華特係無辜，被警方傳召只係以證人身份作供，並冇做過任何違法行為。

東網體育同你追實體壇每個精彩時刻！

http://bit.ly/2ecTF2A