英超 衰過派膠！高圖爾斯受傷之謎曝光
20170417
東網電視
更多新聞短片
英超榜首車路士尋晚作客輸畀曼聯，門神泰拔高圖爾斯因傷冇出到場，領隊干地賽後亦拒絕透露高圖爾斯咩事受傷。《每日鏡報》爆料，話高圖爾斯整親係因為幫車仔宣傳出事！
話說呢位比利時門神喺「魔車戰」前夕，幫球隊影宣傳相，仲要佢打籃球，好衰唔衰就係佢影籃球相個時，整親自己足踝，無緣「車魔戰」。雖然佢出到場都可能贏唔到，但係車仔喺賽前先搵佢做宣傳，呢鋪真係衰過守門員派膠呀！
依家車仔只係領先席熱刺4分，成個形勢又唔同晒，如果藍戰士有咩冬瓜豆腐，拎唔到冠軍，呢輯宣傳相一定係罪魁禍首！
東網體育同你追實體壇每個精彩時刻！