【有片】喪踢出界！巴西靚女旁證真空執法
20170420
東網電視
更多新聞短片
巴西人熱愛足球，男女老幼都鍾意，唔少女士都會落場踢埋一份，就算唔踢都去做球證參與一番。近期一位女球證，就成為巴西超級大紅人。呢位嚟自聖保羅嘅Denise Bueno，最近喺當地一場業餘賽做旁證，舉旗舉到成為全國焦點，仲衝出國際添！
發生咩事？成件事都係多得兩支參賽球隊，分別着黑、紅色衫，令到3位球證要穿上白Tee執法。咁就大鑊啦！因為Denise崇尚自然，「真空」做嘢搞到班球員開賽場大合照，唔望鏡頭望實Denise！
班球員望實真空旁證，畀人影低晒，瘋傳之下令到Denise紅到爆。雖然佢係專業球證，但係外人帶有色眼鏡睇佢，認為佢靠性感博出位，令到Denise好唔開心。唔開心還唔開心，多得佢真空執法，依家先可以上電視成為大紅人，名利雙收，算係賺咗啦。
東網體育同你追實體壇每個精彩時刻！