港超聯　梁子駿梅開二度　冠忠南區做三哥

冠忠南區在主場香港仔運動場迎戰香港飛馬，憑住隊長梁子駿梅開二度，替南區以4比3擊敗對手，全取3分。

上半場開賽15分鐘蘇沙底線傳中，隊長梁子駿近門撞成1比0。20分鐘「鬍鬚佬」馬高斯門前接應右路傳中後第一時間頭槌頂成2比0。26分鐘，無人看管嘅蘇沙左路大腳遠射，替冠忠南區將比數拉開到3比0。

換邊之後，陳肇麒復任前鋒，增強香港飛馬攻力，去到48分鐘就見其效，「陳18」禁區頂勁射入網，替球隊追至1比3。但冠忠南區一分鐘後再將比數拉開，無人看管的蘇沙禁區內橫傳給後上的梁子駿射入成4比1亦為球隊鎖定勝局，20戰取得36分並於聯賽榜以第三位完成本球季。