【亞冠盃直擊】退役淚灑當場 鄭少偉:係有啲遺憾

20170509
東網電視
更多新聞短片

東方龍獅於最後一場亞冠盃分組賽以0比4不敵日本川崎前鋒,賽前透露將在季後掛靴的「亨利」鄭少偉,亦於75分鐘獲派上陣,儘管觸球機會不多,仍然落力走動,贏得近100位遠赴香港打氣的球迷掌聲支持,而在比賽進行到第19分鐘時,球迷更齊齊高呼亨利名字,向身穿19號球衣的他致敬。

亨利賽後該一向球迷握手答謝,向來眼淺的他雖強忍眼激,但其後接受傳媒訪問時,終於失守哭崩。回首接近15年職業足球生涯,亨利化哭為笑,以「好運」形容:「好波不如好運正正係形容緊我呢十幾年球圈歷程,咁多年嚟我效力過咁多間球會,都有咁多關注同支持,而且去到足球生涯尾聲仍然有機會喺亞冠盃呢啲高水平賽事上陣,嚟到日本故仲有人嗌我個名,好幸福,亦都好唔捨得,畢竟聽咗十幾年。」

35歲的亨利透露季前已有退役打算,考慮會先行進修,然後再回餽球圈:「十幾年都喺comfort zone,做球員喺球圈入面太離地,係時候出去撞下板,學習點去同人溝通。」過去有福將美譽的他幾乎季季捧盃,惟東方今季四大皆空,亨利也不禁笑言「數據係要嚟打破」,但亦不忘勉勵隊友收拾心情應付餘下的季後附加賽:「係有啲遺憾,不過唔係因為自己攞唔到盃,而係球隊一整季已經好盡力去爭取,嚟到季尾大家都好辛苦,今晚賽後有少少舒一口氣感覺。希望大家無論如何都要喺季後附加賽盡力而為,就算我未必有機會再次落場,我都好希望幫助球隊取得下季亞冠盃外圍賽資格,的而且確我哋係同亞洲列強有實力差距,但相信只要經過高水平賽事磨練,一定會慢慢收窄。」