足總盃 37歲朱兆基輸波攞MVP:我仲想踢!

20170514
東網電視
更多新聞短片
南華雖然輸波,但朱兆基(中)仍獲得MVP榮譽。

南華於周日(14日)「瑞士豪度錶足總盃」決賽以1比2不敵傑志,未能打破3年錦標荒,不過為「少林寺」建功追近比數的37歲老將朱兆基,賽後仍獲選為決賽最有價值球員。奮戰憾負的「朱基」雖對賽果感到失望,但自言「仲踢得」的他拒絕言退,並寄語陣中小將把握時間證身價。

37歲的朱兆基於下半季重獲正選,是役除於69分鐘接應艾華右路傳中飛身為南華頂成1比2,更於中場助攻助守,為他贏得傳媒票數當選決賽MVP,賽後更獲囝囝畫畫鼓勵冧到爆。不過未能協助南華打破錦標荒的他仍難掩失望:「南華今季能夠走到這一步,已經超乎很多事情,畢竟今季從陣容到場外新聞,也有不少負面消息。我們有能力再踢好一點,但對手有部署有系統,獲勝也是正常。賽果對我來說是未能接受,但大家也博到盡。」

南華難逃連續3年四大皆空宿命,不過今仗的拚搏表現,總算贏回不少球迷掌聲支持。「朱基」寄語陣中小將先做好自己:「唔好聽咁多側邊人指指點點,邊個落場唔想贏?不過踢得強隊就唔可以畀時間走,一嚟到就要話畀人知你得,唔得就要畀人踢走。踢南華就預咗一定要贏,但孭住呢種心態盞死。」朱基未有透露來季去向,但他強調未是時候引退:「如果37歲阻住其他人發展,不如睇我榜樣跟住去做,。我仲想踢,除非冇人要。」