世盃外 南韓國腳婚禮前都要練波！
20170601
東網電視
更多新聞短片
結婚係一生人可能只得一次嘅大事，不過為國家出戰世界盃同樣係足球員一生夢想，南韓國腳金珍洙依家正為國家隊備戰世盃外圍賽，連婚禮都可以放埋一邊！金珍洙原定今日同女伴結婚，不過為方便國家隊練習，佢哋特登將婚禮推前至尋日(周三)舉行，而且「大日子」嘅朝早，金珍洙並唔係搵髮型師執靚個頭，而係跟國家隊操多2個鐘！
據報南韓國家隊本來畀佢放假結婚，但係金珍洙竟然拒絕，佢接受訪問嗰陣話：「多謝我老婆明諒解，多謝外父外母諒解，佢哋都知道嚟緊嘅世盃外有幾重要，今次婚禮大小事都由老婆一個搞晒，真係唔好意思，我一定要做番一個好老公補償！」
東網體育同你追實體壇每個精彩時刻！