英超 烏龍!卡域克紀念賽串錯主角名

20170604
東網電視
更多新聞短片
卡域克(左)與里奧費迪南。(Getty Images)
卡域克紀念賽今晚喺曼聯主場奧脫福球場舉行,唔少曼聯及球壇名宿都有份出席,不過紅魔鬼曼聯就擺咗個大烏龍,竟然係官方出場紙上串錯主角卡域克嗰名,由原本「Carrick」變咗做「Carrtick」,真係失禮街坊。
講番呢場雙方正選名單真係星光熠熠,「曼聯08」主要由08年幫曼聯贏得歐聯冠軍嘅主力成員組成,包括門將雲達沙、後衞布朗、里奧費迪南、尼曼查維迪及艾拉,中場就有主角卡域克、朴智星、史高斯、費查及傑斯,單箭頭係朗尼,呢場亦有可能係朗尼最後一次披上曼聯球衣喺奧脫福比賽。
至於卡域克明星隊正選門將就係基雲,後衞有沙加度、加歷查、泰利及艾比度,中場有施多夫、文迪達、辛拿、杜夫,前鋒就有羅比堅尼及奧雲,星味十足。
東網體育同你追實體壇每個精彩時刻!