【天氣的錯】細哨唔去曼聯 原來係因為咁....

20170626
東網電視
更多新聞短片
(互聯網圖片)
朗拿甸奴絕對係足球史上,其中一個最有實力,同最有魅力嘅巨星,喺佢巔峰時期,邊隊波擁有佢,要攞冠軍其實唔難。前曼聯球星科東尼近日大爆,當年細哨揀踢巴塞而棄曼聯嘅真正原因:原來係朗拿甸奴當日抵達曼市機場之後,竟然落晒大雨....
於1999至2006年曾效力曼聯嘅科東尼,對03年紅魔想斟朗拿甸奴感到興奮。當年碧咸離隊,費格遜希望簽入細哨替補。當時朗拿甸奴甚至已去到英國,同曼聯高層會面過檔,但最後佢選擇加盟巴塞。科東尼就獨家披露原因:「曼聯絕對係同細哨揀錯日子會面。如果佢落機嗰日,唔係落緊傾盤大雨,可能成個故仔唔同晒。如果曼聯嗰陣簽到佢,你諗吓係有幾咁令人興奮?」
巴西人不嬲鍾意陽光與海灘,英國較多時候落雨,相信都係朗拿甸奴其中一個考慮嘅地方,但細哨當時選擇巴塞,一定係經過多方面深思熟慮,唔會得一個原因嘅!
東網體育同你追實體壇每個精彩時刻!