【又係賤男】占士仔衰偷食 老婆宣布離婚
20170728
東網電視
更多新聞短片
即上日職刨績王：http://win.on.cc/jleague/
哥倫比亞靚仔球星占士洛迪古斯，早前由皇家馬德里外借去拜仁慕尼黑，正當佢準備喺德國大展拳腳，隨即又爆出桃色醜聞，占士仔老婆丹妮娜喺IG宣布，兩人正式結束6年半婚姻關係。
消息最初由哥倫比亞電台《Caracol》爆出，丹妮娜冇幾耐之後就喺IG貼出「全家福」，並且宣布：「Salome的父母──丹妮娜同占士洛迪古斯，宣布經過6年半婚姻後正式分開，這是我們一同作出的決定。」消息指兩人已經賣咗喺麥德林嘅豪宅，丹妮娜就會擁有喺邁阿密嘅物業，並且有3歲囡囡Salome嘅撫養權。
雖然丹妮娜冇解釋點解會有離婚決定，不過傳媒就指原因係占士洛迪古斯「偷食」。事實上，占士仔近年多次被傳出軌，上年1月就盛傳同俄羅斯名模Helga Lovekaty撻著。丹妮娜係哥倫比亞門神奧斯賓拿個妹妹，占士仔第日返國家隊遇到奧斯賓拿，場面都幾尷尬。
即到彩報星club熱身賽專頁:
東網體育同你追實體壇每個精彩時刻！