港超聯 元朗東方龍獅握手言和

20170804
東網電視
更多新聞短片

於日前友賽以4比1擊敗夢想FC的元朗,周五(4日)早上於天業路公園跟東方龍獅進行三節共90分鐘的友賽,最終雙方以1比1打成平手。

元朗除葉子俊因傷缺陣外,大部份球員均有正選出擊,並由傑志借將陳嘉豪把關。東方龍獅今仗派出青年軍李嘉華和茹子楠出任正選,至於新外援古高和沙巴則繼續做座上客。

元朗於比賽初段先開紀錄,由雲迪奴域於左路接應艾華頓妙傳後,橫傳無人看管的劉浩霖輕鬆射入。在第一節賽事完結前,東方龍獅在禁區邊獲得罰球,勞高主射被門將撲出不遠,伏兵遠柱的鄭璟昊「執雞」為球隊追成平手。兩隊換邊後各有入球機會,可惜都未能把握,最終維持1比1的比數到完場,握手言和。

賽後,元朗主教練曾昭達亦滿意球員表現:「今場球員態度良好,上力比想像中快,我哋陣容同上季相若,球員都合作得好好。開季頭幾場比賽十分重要,所以要好好準備,希望到時可以踢士氣波畀球迷睇到。」他亦再次大讚新兵艾華頓:「佢態度好好,佢識英文同隊友溝通都冇問題,融入球隊速度比我預期快。」「達Sir」亦透露,球隊邀得上季甲組聯賽攻入31球的東昇射手祖連奴試腳。

東方龍獅主教練司徒文俊指賽果在預計之中:「始終未係『夫添』上陣,今場只係想球員攞比賽感覺,球隊默契、踢法未做到最好,當然今場對手都踢得好。我哋呢幾日休息調整完,等班傷兵回歸,之後去泰國集訓先畀球員踢足90分鐘,用最強陣容備戰。」