新西蘭羽賽 好波呀！李卓耀大逆轉勇奪冠軍
20170806
東網電視
更多新聞短片
叻仔呀李卓耀！(賽會相片)
周日(6日)下午在新西蘭舉行的羽毛球公開賽男單決賽，年僅20歲、世界排名88位的香港羽毛球新星李卓耀，大戰中華台北兼賽事頭號種子王子維。
王子維第1局以21:11先下一城，第2局李卓耀傾力反擊，贏21:15，扳平局數1:1。第3局激況更加激烈，2人互有領先，逐分咬住上。最後關頭，在王子維領先至20:16的時候，李卓耀幾乎輸波，佢沉着應戰，連追4分，將比賽逼入「刁時」，最後更以22:20成功逆轉奪冠，認真熱血。
賽後這位港羽新星似乎對自己贏得冠軍感到難以置信，李卓耀表示：「我而家心情好開心，因為我最後1局原本係落後16比20，我當時都係當輸嚟打，所以我個人好放鬆，咩都夠膽打，而對手就有啲緊，最後我連攞6分贏波，我都唔係好敢相信自己可以贏到呢場比賽。呢個係我人生首個冠軍，所以我真係好開心好興奮！」他繼指：「其實打決賽都有啲緊張，但我面對高排名過我嘅對手，唔會去諗排名，當佢係個平常人咁打，所以先可以放開去打。」
即到彩報星club熱身賽專頁:
東網體育同你追實體壇每個精彩時刻！