【不斷更新】阿朗素梅開二度助車仔贏2比1
20170820
東網電視
更多新聞短片
周日晚(20日)英超壓軸重頭戲上演倫敦打吡，由上季「2哥」熱刺喺「主場」溫布萊球場硬撼衞冕嘅車路士。熱刺今仗用番雲耶馬打防中，仲有基斯甸艾歷臣同迪利阿里，支援哈利卡尼攻堅，另一邊廂，車仔有隊長加利卡希爾及中場法比加斯坐波監，但有傷咗一輪嘅新援泰莫爾巴卡約高首度披甲，上仗後備入替入波兼助攻嘅艾華路莫拉達，終於擔正，到底佢哋可否藉熱刺「主場不利」之下，從谷底反彈？真係睇過至知。
【00:53】 全場完 熱刺1:2車路士
車路士於第二場英超終於打開勝利之門，憑馬高斯阿朗素上下半場各入一粒，梅開二度助車仔於溫布萊球場，擊敗倫敦宿敵兼聯賽冠軍對手熱刺。
【00:41】 熱刺1:2車路士
馬高斯阿朗素梅開二度！88分鐘，車路士中路截到波，柏度交畀阿朗素，阿朗素小禁區邊左腳射近柱入網，洛里斯要負上部分責任。
【00:41】 熱刺1:1車路士
82分鐘，熱刺左路開出罰球，車路士後備入替嘅巴舒亞伊，竟然頭槌跣入自己龍門，幫對手扳平。
【00:32】 車路士中柱
上半場熱刺中完柱，今次到車仔，韋利安禁區頂勁射，皮球已經過晒洛里斯，點知又被門將最好嘅朋友門柱擋出。車路士仍領先1:0。
【00:27】
熱刺換入孫興民，入替有黃牌在身嘅艾歷迪亞，加強前場能力。
【00:19】
下半場15分鐘，雙方冇正式埋門，熱刺只係佔到優勢，車路士防守穩健，冇大出錯。
【00:04】 下半場開波
雙方半場冇換人，原班迎戰，足智彩「下一隊入球」熱刺1.67倍、無入球4.30倍、車路士3.34倍。
【23:48】 半場完 熱刺0:1車路士
今季正式以溫布萊球場作主場嘅熱刺繼續冇運，上半場取得64%控球率，製造10次射門，6次中龍，哈利卡尼勁射又中柱，相反，車路士馬高斯阿朗素24分鐘一個靚罰球搞掂，熱刺暫時落後0比1。
【23:44】
又係熱刺！賓戴維斯左腳勁射，泰拔高圖爾斯飛到盡撲出底線。熱刺仲係落後0比1。
【23:43】 熱刺中柱
熱刺左路快速反擊，哈利卡尼禁區內快腳勁射，皮球割草式一支箭飛向遠柱，惜中柱唔入。
【23:39】
熱刺進攻右路罰球開入禁區，雲耶馬、哈利卡尼錯過機會，皮球於龍門前兩碼掠過。
【23:24】熱刺 0:1 車路士
馬高斯阿朗素禁區頂左腳妙射罰球彎過人場，洛里斯飛到盡都掂唔到，死角入網，車仔領先。
【23:20】
過咗20分鐘，熱刺攞番主導，控球指數去到63%，入球大細中位數2.5球，入球大2.38倍、入球細1.51倍。下一隊入球熱刺1.73倍、無入球7.40倍、車路士2.39倍。
【23:11】
卡尼哈利禁區頂個人技術擺脫車仔後衞，立即起腳遠射，泰拔高圖爾斯甩手，不過冇熱刺球員Follow！
【23:05】
車路士首個入肉攻勢，艾斯派古達右路傳中，艾華路莫拉達小禁區接應，頂向龍門左下角，洛里斯已經完全投降，惜皮球僅以一個波位出界。
【23:00】開波！
熱刺今季以溫布萊球場為主場嘅首場賽事，第一個攻勢由車路士取得，惜無功而還。
【22:55】
仲有5分鐘開波，賠率變化不大，熱刺主W1.92倍、和波3.25倍、車路士客W3.5倍；「讓球主客和」熱刺3.65倍、和3.55倍、車路士1.75倍；「讓球」熱刺讓平半，上盤1.77倍、下盤2.09倍。
【22:05】有陣
熱刺正選陣容
門將：1 洛里斯
後衛：15 艾歷迪亞、4 艾達韋列特、5 維頓漢
中場：2 捷比亞、12雲耶馬、19 迪比利、33 賓戴維斯
攻中：20 迪利阿里、23 基斯甸艾歷臣
前鋒：10 哈利卡尼
車路士正選陣容
門將：13 泰拔高圖爾斯
後衛：27 安達斯基斯坦臣、30 大衞雷斯、2 魯迪格
中場：28 艾斯派古達、14 泰莫爾巴卡約高、7 尼高路簡迪、3 馬高斯阿朗素
前鋒：15 域陀摩西斯、9 艾華路莫拉達、22 韋利安